ڈالر اک وار فیر تگڑا ہوگیا

پیر نوں کاروباری دن دے آخیر اُتے انٹر بنک وچ ڈالر دی قیمت 16پیسے ودھ گئی

ڈالر اک وار فیر تگڑا ہوگیا
پیر نوں کاروباری دن دے آخیر اُتے انٹر بنک وچ ڈالر دی قیمت 16پیسے ودھ گئی

کراچی(پاکستان پوائنٹ نیوز29۔اکتوبر۔2018ء) ڈالر اک وار فیر تگڑا ہوگیا،پیر نوں کاروباری دن دے آخیر اُتے انٹر بنک وچ ڈالر دی قیمت 16پیسے ودھ گئی۔تفصیل مطابق پیرنوں کاروباری دن دے آخیر اُتے پاکستانی روپیہ فیر بیمار نظر آیا۔ پچھلے کُجھ دناں توں بیمار رہن مگروں ڈالر فیر تگڑا ہوگیا اے۔ پیر نوں کاروباری دن دے آخیر اُتے انٹر بنک مارکیٹ وچ ڈالر دی قدر وچ 16پیسے تیکر دا وادھا ویکھیا گیا۔ کاروباری ہفتے دے شروع اُتے درآمد کنند گان ولوں ڈالر دی طلب ودھن نال انٹر بنک وچ ڈالر 16پیسے وادھے نال 132رُپئے 61پیسے اُتے بند ہویا جدکہ اوپن مارکیٹ وچ ڈالر 60پیسے وادھے نال 132رُپئے 50پیسے وچ وِکیا۔