اسلام آباد(پاکستان پوائنٹ نیوز29۔اکتوبر۔2018ء) سابق وزیر خارجا خورشید قصوری نے اسرائیل نال رابطے دا اعتراف کر لیا اے۔ تفصیل مطابق اک انٹرویو وچ سابق وزیر خارجا خورشید قصوری نے آکھیا کہ اسیں نظریہ ضرورت دے تحت اسرائیل نال رابطہ کیتا سی۔ عراق نال جنگ دے دوران ایران نے مذہبی ریاست ہون مگروں اسرائیل نوں تیل ویچ کے ہتھیار لئے سن۔ اوہناں نے آکھیا کہ اسرائیل ولوں بھارت نوں جدید اسلحے دی فروخت دے پیش نظر اسیں نظریہ ضرورت دے تحت اسرائیل نال رابطہ کیتا سی۔
رابطے دا مقصد اسرائیل نوں یاد وانا سی کہ اوہ اک حد توں اگانہ نہ جائے۔ سابق وزیر خارجا خورشید قصوری نے آکھیا کہ جدوں ایران عراق جنگ ہو رہی سی تے اوس ویلے تہران نے وی نظریہ ضرور ت دے تحت اسرائیلی ہتھیار لے کے بدلے وچ تیل دتا سی۔ ایران وچ مذہبی حکومت اے پر جدوں ایران دی سلامتی دا مسئلا آیا تے اوہناں نے وی اسرائیل کولوں ہتھیار لئے سن۔ اوہناں نے ہور آکھیا کہ پاکستان ولوں رابطہ کرن اُتے اوس ویلے دے اسرائیلی وزیر اعظم نے غزہ توں اپنی فوج ہٹا دتی سی تے اوہدی اسلامی دنیا وچ وڈے پیمانے اُتے خشی منائی گئی سی۔
