متحدہ عرب امارات پاکستان نوں سعودی عرب توں وڈا بیل آؤٹ پیکج دین لئی راضی

متحدہ عرب امارات پاکستان نوں سعودی عرب توں وڈا بیل آؤٹ پیکج دین لئی راضی

اسلام آباد(پاکستان پوائنٹ نیوز29۔اکتوبر۔2018ء) پاکستان نے ملک دے معاشی حالات نال نِبڑن لئی سعودی عرب توں مالی امداد دی درخاست کیتی سی جیہدے اُتے وزیر اعظم پاکستان عمران خان دے سعودی عرب دے دوجے دورے دوران سعودی عرب نے پاکستان نوں ارباں ڈالرز دی امداد دتی۔ سعودی عرب ولوں امداد ملن اُتے ملکی معیشت وچ کُجھ جان آگئی پر ہن متحدہ عرب امارات وی پاکستان نوں امداد دین لئی تیار ہو گیا اے۔

نجی ٹی وی چینل دے پروگرام وچ گل بات کردے ہوئے سینئر تجزیہ کار حیدر مہدی نے آکھیا کہ سعودی عرب نے بغیر کسے شرط دے پاکستان نوں قرضہ دتا اے۔ اوہناں نے آکھیا کہ ایس گل وچ کسے نوں کوئی شک نہیں اے۔ اوہناں نے آکھیا کہ دنیا بھر دے ملک عمران خان دے وزیر اعظم بنن مگروں پاکستان نوں مختلف نظریے نال ویکھ رہے نیں۔ پہلے سانوں کوئی ویکھدا وی نہیں سی، مالی امداد تے دور دی گل اے۔اوہناں دا آکھنا سی کہ ساڈی فوج پروفیشنل اے۔ اسیں ایٹمی طاقت آں، اسیں دہشت گردی خلاف جنگ جِتی۔ عمران خان ورگا اک لیڈر پاکستان وچ آگیا اے ہن ملکی حالات ہور بہتر ہون گے کیونکہ سبھ توں پتا اے کہ لیڈر جھوٹھ نہیں بولدا، کرپشن تے فراڈ نہیں کردا۔