لاہور(پاکستان پوائنٹ نیوز27۔اکتوبر۔2018ء) وفاقی وزیر ریلوے شیخ رشید احمد دا آکھنا اے کہ کراچی وچ سٹاک ایکسچینج انتظامیہ ریلوے دی زمین خالی کر دیوے۔ ریلوے دے وفاقی وزیر شیخ رشید نے لاہور وچ نیوز کانفرنس نال خطاب کرد ے ہوئے آکھیا کہ 31اکتوبر نوں صدر مملکت ڈاکٹر عارف علوی کراچی وچ ٹرین دا افتتاح کر رہے نیں۔ اوہناں نے دسیا کہ کراچی توں حیدر آباد ٹرین دا افتتاح وزیر اعظم عمران خان اپنے چین دے دورے مگروں کرن گے۔
ریلوے دے گوداماں وچ کیمرے لان دا فیصلا کیتا اے۔ شیخ رشید نے آکھیا کہ ایس ملک دی معیشت ریلوے دے بغیر کھڑی نہیں ہو سکدی۔ بیتے ویلے وچ ارباں رُپئے سٹیشنز دی بحالی اُتے لا دتے گئے۔ ریلوے وچ اج ساڈے 60دن پورے ہو گئے نیں۔وزیر ریلوے نے ہور آکھیا کہ ریلوے وچ جدت لیان لئی ٹریکنگ سٹم وچ بہتری لیا رہے نیں۔ کراچی سرکلر ٹرین دا ادھا کم پرسوں کرن جا رہے آں۔
اوہناں نے ایہ وی دسیا کہ کراچی دی سرکلر ٹرین تن شفٹاں وچ چلاواں گے۔ ٹرین اودھر چلے گی جدھر سواری ہوئے گی تے پیسہ ملے گا۔ مسافر ٹریناں کدی منافعے وچ نہیں چل سکدیاں۔ ریلوے دے وفاقی وزیر نے آکھیا کہ لاہور وچ نیوز کانفرنس نال خطاب کردے ہوئے آکھیا کہ 31اکتوبر نوں صدر مملکت ڈاکٹر عارف علوی کراچی وچ ٹرین دا افتتاح کر رہے آں۔
