گوجرانوالا(پاکستان پوائنٹ نیوز27۔اکتوبر۔2018ء) مسلم لیگ (ن) دے مرکزی رہنما تے سابق وزیر داخلا احسن اقبال اُتے فائرنگ کرن والے مجرم نوں 27سال قید دی سزا سُنا دتی گئی، مجرم عابد حسین نوں اک لکھ 90ہزار جرمانہ وی کیتا گیا اے۔ میڈیا رپورٹس مطابق گوجرانوالا دی خصوصی عدالت وچ سابق وزیر داخلا احسن اقبال اُتے حملا تے فائرنگ نال زخمی کرن والے مجرم عابد حسین سنے چار سہولت کاراں خلاف کیس دی سنوائی ہوئی۔
خصوصی عدالت دے جج علی عمران نے وکیلاں دے دلائل، مجرماں دے ٹرائل تے پراسیکیوشن دا عمل پورا ہون اُتے سزا دتی اے۔ خصوصی عدالت دے جج علی عمران نے احسن اقبال اُتے قاتلانہ حملا کرن والے مجرم نوں عابد حسین نوں 27سال قید دی سزا سُنائی۔ عدالت نے مجرم نوں اک لکھ 90ہزار جرمانہ جمع کروان دا حکم وی دتا۔ایس توں وکھ خصوصی عدالت نے حملا کیس وچ سہولت کاری دے الزام وچ گرفتار 4ملزماں نوں بری کر دتا اے۔
