ثالثی لئی پاکستان نال کسے قسم دا کوئی رابطہ نہیں کیتا:حوثی باغی

صنعا(پاکستان پوائنٹ نیوز27۔اکتوبر۔2018ء) یمن دے حوثی باغیاں دا آکھنا اے کہ ثالثی لئی پاکستان نال کسے قسم دا کوئی رابطہ نہیں کیتا، پاکستان دے وزیراعظم عمران خان نے جو آکھیا اے کہ اوہدے اُتے غور کراں گے۔ یمن وچ حوثی باغیاں ولوں جاری کیتے گئے اک بیان وچ آکھیا گیا اے کہ ثالثی لئی نہ ای کسے نال رابطہ سی تے نہ اے، کوئی وی یمن دی جنگ دے خاتمے لئی کوشش کرے گا تے تعاون کراں گے۔ حوثی باغیاں نے اپنے بیان وچ ایہ وی آکھیا اے کہ پاکستانی وزیراعظم عمران خان نے جو آکھیا اے، اوہدے اُتے غور کراں گے۔یاد رہوے کہ یمن دی جنگ وچ ثالث دا کردار ادا کرن دے وزیر اعظم عمران خان دے بیان مگروں یمن دے حوثی باغیاں ولوں ایہ بیان جاری کیتا گیا اے۔