شہباز شریف ہور مشکل وچ پھس گئے

اسلام آباد(پاکستان پوائنٹ نیوز27۔اکتوبر۔2018ء) آشیانہ ہاؤسنگ سکینڈل وچ نیب دی حراست وچ موجود مسلم لیگ (ن) دے صدر و اپوزیشن لیڈر قومی اسمبلی شہباز شریف ہور مشکلاں وچ پھس گئے۔ تفصیل مطابق نیب نے آمدن توں ودھ اثاثیاں دے کیس وچ وی شہباز شریف دی گرفتاری پا دتی۔ وسیلیاں مطابق نیب ولوں 29اکتوبر نوں احتساب عدالت وچ شہباز شریف دے ہور ریمانڈ دی استدعا کیتی جائے گی۔ نیب نے اثاثیاں بارے ہور معلومات لئی شہباز شریف دے پُتراں حمزہ شہباز تے سلمان شہباز نوں وی سدیا اے۔ شہباز شریف اُتے آمدن توں ودھ اثاثے بنان دا الزام اے تے ہن ایس کیس و چ وی نیب نے اوہناں دی گرفتاری پا دتی اے۔