راولپنڈی(پاکستان پوائنٹ نیوز25۔اکتوبر۔2018ء) چیف آف آرمی سٹاف جنرل قمر جاوید باجوہ نے آکھیا اے کہ ایل او سی اُتے کسے وی جارحیت دا مونہ توڑ جواب دین لئی تیار آں، پاک فوج خطے وچ امن و استحکام اُتے یقین رکھدی اے، کشمیر اک حل طلب مسئلا اے، کشمیریاں دے تاریخی موقف اُتے اوہناں نال کھلوتے آں۔ پاک فوج دے شعبہ تعلقات عامہ (آئی ایس پی آر) مطابق آرمی چیف جنرل قمر جاوید باجوہ نے اج لائن آف کنٹرول دا دورہ کیتا۔
آرمی چیف نے اگلے مورچیاں اُتے تعینات فوجی جواناں نال ملاقات کیتی تے اوہناں دے اُچے حوصلے تے جذبے دی تعریف کیتی۔ آرمی چیف جنرل قمر جاوید باجوہ نے پاک فوج دیاں آپریشنل تیاریاں اُتے اطمینان دا اظہار وی کیتا۔ ایس موقعے اُتے آرمی چیف جنرل قمر جاوید باجوہ نے آکھیا کہ پاک فوج خطے دے امن و استحکام اُتے یقین رکھدی اے۔ اوہناں دا آکھنا سی کہ پاکستانی فوج امن و استحکام لئی موثر کردار ادا کر رہی اے۔
پاک فوج وطن دے دفاع لئی ہر ویلے تیار اے۔ آرمی چیف جنرل قمر جاوید باجوہ نے آکھیا کہ کشمیر اک حل طلب مسئلا اے۔ کشمیریاں دے تاریخی موقف اُتے اوہناں نال کھلوتے آں۔ اوہناں نے آکھیا کہ کشمیریاں دے منصفانہ تے حل طلب مسئلے دی حمایت کردے آں۔ اوہناں نے آکھیا کہ ایل او سی اُتے کسے وی جارحیت دا مونہ توڑ جواب دین لئی تیار آں۔
