اسلام آباد(پاکستان پوائنٹ نیوز24۔اکتوبر۔2018ء) سپریم کورٹ آف پاکستان نے وزیراعظم عمران خان دے اُچیچے معاون (معاون خصوصی) تے اوہناں دے قریبی ساتھی زلفی بخاری دی سرکاری عہدے اُتے تعیناتی خلاف درخاست سنوائی لئی منظور کیتی اے۔ عدالت نے درخاست اُتے اعتراض ختم کرکے سنوائی لئی منظور کیتی۔ تفصیل مطابق سپریم کورٹ وچ شہری عادل چٹھہ نے دوہری شہریت دی بنیاد اُتے زلفی بخاری دی تقریر نوں چیلنج کیتا سی۔
درخاست گزار نے موقف اختیار کیتا کہ دوہری شہریت والا بندہ وزیر اعظم دا اُچیچا معاون نہیں بن سکدا۔ سپریم کورٹ دے رجسٹرار نے درخاست اُتے اعتراض کیتا سی۔ رجسٹرار آفس دے اعتراض خلاف شہری نے فیر اپیل دائر کیتی۔جیہدی سنوائی چیف جسٹس نے چیمبر وچ کیتی۔ سنوائی دوران چیف جسٹس نے درخاست اُتے رجسٹرار آفس دے اعتراض ختم کر کے اوہنوں سنوائی لئی منظور کرلیا۔
