سعید غنی نے فواد چودھری نوں کرائے دا لاؤڈ سپیکر قرار دے دتا

فواد چودھری آصف زرداری دی فکر چھڈن، نیازی صاحب دی فکر کرن:صوبائی وزیر سندھ

سعید غنی نے فواد چودھری نوں کرائے دا لاؤڈ سپیکر قرار دے دتا
فواد چودھری آصف زرداری دی فکر چھڈن، نیازی صاحب دی فکر کرن:صوبائی وزیر سندھ

کراچی(پاکستان پوائنٹ نیوز23۔اکتوبر۔2018ء) پاکستان پیپلز پارٹی دے رہنما سعید غنی نے فواد چودھری نوں کرائے دالاؤڈ سپیکر قرار دے دتا۔ اوہناں نے آکھیا کہ فواد چودھری آصف زرداری دی فکر چھڈن، نیازی صاحب دی فکر کرن، حکومت دیاں ناکام پالیسیاں دی وجہ توں لوکائی دا جینا محال ہو گیا اے۔ اوہناں نے وفاقی وزیر اطلاعات و نشریات فواد چودھری دے پیپلز پارٹی خلاف بیان اُتے اپنے ردعمل وچ آکھیا کہ پیپلز پارٹی جیلاں توں نہیں گھبراندی۔

پیپلز پارٹی دی قیادت نے پہلے وی ایہ جیلاں کٹیاں نیں۔ سانوں جیلاں توں ڈران دی دھمکی نہ دتی جائے۔ اوہناں نے آکھیا کہ تحریک انصاف لوکائی نوں ریلیف دین تے حکومت چلان وچ ناکام ہو گئی اے۔ حکومت نے مہنگائی کر کے لوکائی دا جینا محال کر دتا اے۔ یاد رہوے کہ ایس توں پہلاں اج وفاقی وزیر فواد چودھری نے اپنے ٹویٹ وچ آکھیا سی کہ آصف علی زرداری صاحب سیاستداناں دی بجائے وکیلاں نال ملاقاتاں نوں ترجیح دیو۔فواد چودھری نے ہور آکھیا کہ ایس مفت مشورے دا احساس اوہناں نوں ہفتیاں وچ نہیں دناں وچ ہو جائے گا۔