وال سٹریٹ جنرل دی رپورٹ وچ کون پھسن والا اے:مشہور پرچا کار نے دس دتا

وال سٹریٹ جنرل دی رپورٹ وچ کون پھسن والا اے:مشہور پرچا کار نے دس دتا

اسلام آباد(پاکستان پوائنٹ نیوز20۔اکتوبر۔2018ء) نجی ٹی وی چینل دے پروگرام وچ گل بات کردے ہوئے مشہور پرچا کار حامد میر نے آکھیا کہ وال سٹریٹ جنرل دی رپورٹ اُتے انکوائری ضرور ہونی چاہیدی تے انکوائری ایس لئی ہونی چاہیدی کیونکہ نوید ملک صاحب پیپلز پارٹی دی اہم شخصیت دے بیلی نیں تے ایس ویلے عمران خان دی کابینہ وچ دو لوک اجیہے نیں جیہناں بارے میں جاننا واں کہ اوہناں دو بندیاں دے نوید ملک نال قریبی تعلقات نیں۔

حامد میر نے آکھیا جدوں گل نکلی تے دور تک جائے گی۔ نوید ملک پہلے پیپلز پارٹی نال فٹ سن ، فیر (ن) لیگ نال فٹ ہو گئے، فیر اوہناں نوں اک سال پہلے پتا لگ گیا کہ پی ٹی آئی حکومت وچ آن والی اے ۔ نوید ملک تے دو کابینہ دے بندے آپس وچ ایس طرحاں جُڑے ہوئے نیں کہ جدوں نوید ملک صاحب پھسن گے تے کابینہ دے دو ارکان وی پھس جان گے۔ تے اوہ دو ارکان وزیراعظم عمران خان دے قریبی نیں۔اوہناں داآکھنا سی کہ پاکستان تحریک انصاف وچ جو لوٹیاں دی بہار آئی اے۔ ایہ اوہناں وچوں نہیں نیں، ایہ پاکستان تحریک انصاف دی مرکزی قیادت وچوں نیں۔ ایہ ایشو ختم نہیں ہوئے گا۔ کیونکہ ایس ایشو وچوں نواز شریف نکلن یاں نہ نکلن ایہدے وچ پیپلز پارٹی تے پی ٹی آئی ضرور نکلے گی۔