کراچی(پاکستان پوائنٹ نیوز20۔اکتوبر۔2018ء) وفاقی وزیر خزانہ اسد عمر دا آکھنا اے کہ اسیں تیزی نال دوالیہ ہون ول جا رہے آں، جے چھیتی توجہ نہ دتی گئی تے ملک دیوالیہ ہو جائے گا۔ کراچی وچ پاکستان سٹاک ایکسچنیج نال خطاب کردے ہوئے وفاقی وزیر خزانہ اسد عمر نے آکھیا کہ رئیل اسٹیٹ مارکیٹ دا انتظام سٹاک مارکیٹ وانگ ہونا چاہیدا۔ انج نہیں اے کہ کوئی خطرے دی گھنٹی وج رہی۔
میڈیا وچ معیشت اُتے بہت طوفان نظر آ رہیا اے۔ ساڈے منشور وچ ایز آف ڈوئینگ بزنس شامل اے۔ اوہناں نے آکھیا کہ 18ارب دا کسارا(خسارہ) اے۔ اسیں تیزی نال دیوالیہ ہون جا رہے سی۔ پاکستان وچ کاروبار کرنا بہت مہنگا کر دتا گیا اے۔ کرنٹ اکاؤنٹ کسارا ڈھائی ارب ڈالر توں ودھ کے 18ارب ڈالر ہو گیا اے۔ امپورٹرز نے اینا پیسہ کمایا اے جیہدی کوئی حد نہیں اے۔ امپوٹرز نے رُپئے دی قد گھٹ ہون نال انونٹری اُتے ارباں رُپئے کمائے۔ اوہناں دا آکھنا سی کہ 7توں 8مہینیاں وچ ڈالر دی قدر وچ 27,26فیصد کمی ہوئے گی۔ ستمبر وچ کرنٹ اکاؤنٹ کسارا گھٹ ہوئے گا ۔ مارکیٹ وچ سرمایہ کاری ٹیکسیشن دی وجہ توں گھٹ اے تے اوہنوں ٹھیک ہونا چاہیدا۔
