اسلام آباد(پاکستان پوائنٹ نیوز20۔اکتوبر۔2018ء) مرداں وانگ سوانیاں وی ہن طلاق دے سکن گیاں۔ حکومت نے ایس حوالے نال دستاویزات تیارکر لئیاں، سوانیاں نوں چھیتی طلاق لئی عدالتاں وچ جان دی لوڑ نہیں پئے گی۔تفصیل مطابق حکومت ولوں اک تیارہ کردہ مسودے مطابق سوانیاں وی ہن مرداں وانگ طلاق دے سکن گیاں۔ایہنوں موجودہ قوانین دے تحت ویاہ دی دستاویز (نکاح نامے) وچ درج کیتا گیا اے۔
ویاہ دے موقعے اُتے دلہن نوں کدی ایہ سہولت نہیں دتی گئی۔ سوانیاں عدالت راہیں خلع ای لے سکدیاں نیں ،جو اک مہنگا تے اوہدے لئی ویلا چاہیدا اے۔ نکاح نامے وچ تبدیلیاں دے تحت اوہدی زبان بدل کے سوانیاں دے حقاں نوں واضح کیتا گیا اے جیہدے وچ ویاہ کرن والے نوں ویاہ دی تحلیل کرن دے حق اُتے دلہن نال رابطہ کرنا پئے گا۔ چیئرمین اسلامی نظریاتی کونسل قبلہ ایاز مطابق خلع وچ شوہر دی رضا مندی لینا لازمی اے۔ پر ایس شرط نوں ختم کرن نال شوہر دی رضا دی ضرورت نہیں رہوے گی۔
