اسلام آباد(پاکستان پوائنٹ نیوز19۔اکتوبر۔2018ء) قطر نے پاکستانیاں لئی 1لکھ نوکریاں دا اعلان کر دتا، قطری وزیر خارجا دی شاہ محمود قریشی نال ملاقات، پاکستان دی قطر ی سرمایہ کاراں نوں توانائی تے ریفائنری دے شعبیاں وچ وی سرمایہ کاری دی دعوت۔ تفصیل مطابق قطر ی وزیر خارجا محمد بن عبدالرحمان پاکستان دے دورے لئی اسلام آباد اپڑے۔ قطری وزیر خارجا محمد بن عبدالرحمان دی اسلام آباد آمد مگروں پاکستانی وزیر خارجا نال اوہناں دی ملاقات ہوئی اے۔
ایس دوران دوویں رہنماواں وچکار باہمی دلچسپی تے تعلقات ودھان دے حوالے نال وچار وٹاندرا کیتا گیا۔ ایس موقعے تے قطری وزیر خارجا نے پاکستانیاں نوں اک لکھ نوکریاں وی دین دا اعلان کیتا۔ پاکستانی وزیر خارجا شاہ محمود قریشی نے قطر دے ایس فیصلے اُتے خیرمقدم کیتا۔پاکستان نے قطر دے سرمایہ کاراں نوں توانائی تے ریفائنری دے شعبیاں وچ وی سرمایہ کاری دی دعوت دتی اے۔
