اوگرا نے گیس دیاں قیمتاں وچ وادھا کر دتا، نوٹی فکیشن جاری

اسلام آباد(پاکستان پوائنٹ نیوز19۔اکتوبر۔2018ء) آئل اینڈ ریگولیٹری اتھارٹی (اوگرا) نے گیس دیاں قیمتاں وچ اک وار فیر وادھا کر دتا اے۔ اوگرا ولوں گیس دیاں قیمتاں وچ وادھے دا نوٹی فکیشن وی جاری کر دتا گیا اے۔ سرکاری سکولاں، کالجاں، یونیورسٹیاں، دفتراں تے ہسپتالاں لئی گیس ہور مہنگی کر دتی گئی۔ رہائشی کالونیاں تے فلاحی اداریاں لئی وی گیس ہور مہنگی کر دتی گئی اے۔

سارے ورتیندڑاں(صارفین) لئی مہینہ گیس فکسڈ چارجز 3ہزار 6سو رُپئے کر دتے گئے۔ سارے اداریاں لئی فکسڈ چارجز اک ہزار 53رُپئے توں ودھا کے 4ہزار 680رُپئے کر دتے گئے نیں ۔ کمرشل ورتیندڑاں، کیفے، بیکریز، ملک شاپ، کینٹین، ہوٹلز، تجارتی مال تے سینمیاں لئی وی گیس مہنگی کر دتی گئی اے۔ اوگرا نے ترمیمی بل دا اطلاق فوری کر دتا اے تے گیس مہنگی کرن دا نوٹی فکیشن وی جاری کر دتا گیا اے۔