تھرپارکر(پاکستان پوائنٹ نیوز18۔اکتوبر۔2018ء) گورنر سندھ عمران اسماعیل دے تھرپارکر دے دورے دوران شاہی پروٹوکول نے بیتے ویلے دے سارے ریکارڈ توڑ دتے۔ تفصیل مطابق تحریک انصاف دے تبدیی دے نعرے بس نعرے ای رہ گئے۔ گورنر سندھ عمران اسماعیل شاہی پروٹوکول نال تھر اپڑے، جتھے اوہناں لئی ریت اُتے کارپٹ وچھا دتا گیا تاں جے اوہناں دے پیراں نوں گرم ریت دی جلن توں بچایا جا سکے۔
ایس حوالے نال عمران اسماعیل دی تصویر وی سوشل میڈیا اُتے وائرل ہو رہی اے، جیہدے مگروں سوشل میڈیا ورتیندڑاں نے اوہناں نوں ڈاڈھی تنقید دا نشانہ بنایا اے۔سوشل میڈیا ورتیندڑاں دا آکھنا اے کہ عمران اسماعیل تھر وچ بُھکھ نال مر دے بالاں نوں ویکھن گئے پر اوہناں کولوں کُجھ دیر لئی ریت دی تپش برداشت نہ ہوئی۔ اک سوشل میڈیا ورتیندڑ نے آکھیا کہ پاکستان دے سبھ توں غریب ترین ضلعے وچ عمران اسماعیل دا ایہ پروٹوکول ویکھ کے دُکھ ہویا۔
تھر تے اوہناں دے پرفیوم دی خشبو وی محسوس نہیں کرسکدا۔ اک ورتیندڑ نے آکھیا کہ ایہ تھر دی صورتحال دا جائزہ لین جا رہے پر رُکو کیتے ایہناں دیاں جُتیاں گندیاں نال ہو جان۔ اک ورتیندڑ نے آکھیا کہ ایس شاہی استقبال بارے کیہ خیال اے؟تھر وچ جان لئی کارپٹ وچھانا افسوسناک اے۔ ایس طرحاں دیاں حرکتاں کر کے پارٹی دی ساکھ نوں متاثر کیتا جا رہیا اے۔جیہدے اُتے عمران اسماعیل نے جواب دتا کہ میں خاص طور اُتے ڈی سی نوں ہدایت کیتی سی کہ مینوں پروٹوکول نہ دتا جائے کیونکہ ایہ پارٹی پالیسی خلاف اے۔
