کراچی(پاکستان پوائنٹ نیوز18۔اکتوبر۔2018ء) پاکستان پیپلز پارٹی دے چیئرمین بلاول بھٹو زرداری نے آکھیا اے کہ تحریک انصاف اصل وچ تحریک انتقام بن گئی اے۔ شہباز شریف اپوزیشن لیڈر اے، ضمنی الیکشن توں کُجھ دن پہلاں اپوزیشن لیڈر دی گرفتاری اُتے شک پیدا ہویا، کار ساز دُکھانت وچ سبھ توں ودھ لوک شہید ہوئے۔ اوہناں نے اج کراچی وچ کارساز دُکھانت دے موقعے اُتے میڈیا نال گل بات کردے ہوئے آکھیا کہ 18اکتوبر دا واقعہ پاکستانی دہشت گردی دا سبھ توں وڈا واقعہ سی۔
کار ساز دُکھانت وچ سبھ توں ودھ لوک شہید ہوئے۔ پیپلز پارٹی دے کارکناں نے جمہوریت تے ایس ملک لئی قربانیاں دتیاں نیں۔ پیپلز پارٹی نے ہمیشہ جمہوریت، امن تے ایس ملک لئی قربانیاں دتیاں۔ اوہناں نے آکھیا کہ پیپلز پارٹی دیاں جمہوریت تے امن لئی کوششاں جاری رہن گیاں۔ غریباں دے حقاں دی جنگ جاری رہوے گی۔ بلاول بھٹو دا آکھنا سی کہ دہشت گردی دے خطریاں توں نہیں ڈراں گے۔
دہشت گردی دے واقعات وچ وی ساڈے شہیداں نوں انصاف نہیں ملیا۔ اوہناں نے آکھیاکہ دہشت گردی دے واقعات دیاں تحقیقات کر کے لوکائی نوں ایس بارے دسیا جائے۔ اک سوال دے جواب وچ اوہناں دا آکھنا سی کہ تحریک انصاف اصل وچ تحریک انتقام بن گئی اے۔ شہباز شریف اپوزیشن لیڈر اے، ضمنی الیکشن توں کُجھ دن پہلاں اپوزیشن لیڈر دی گرفتاری اُتے شک پیدا ہویا۔
اسیں چاہندے آں جمہوریت چلدی رہوے۔ اوہناں نے نیب دیاں انتقامی کارروائیاں بارے سوال دے جواب وچ آکھیا کہ شہباز شریف دے دور وچ ساڈے خاندان نال چنگا سلوک نہیں کیتا گیا۔ پر شہباز شریف اپوزیشن لیڈر نیں ۔ ضمنی الیکشن توں کُجھ دن پہلاں اپوزیشن لیڈر دی گرفتاری اُتے شک پیدا ہوئے ۔ ایس طرحاں جدوں وزیر اعظم تے پی ٹی آئی دے لوک چیئرمین نیب نال ملاقاتاں کرن گے تے شک جنم لین گے۔
