عمران علی دے گھر والیاں نوں دوجے دن ای اوہدے جرم دا پتا لگ گیا سی

رشتے دار عمران علی نوں پھڑوا کے اک کروڑ رُپئے لینا چاہندے سن

عمران علی دے گھر والیاں نوں دوجے دن ای اوہدے جرم دا پتا لگ گیا سی
رشتے دار عمران علی نوں پھڑوا کے اک کروڑ رُپئے لینا چاہندے سن

لاہور(پاکستان پوائنٹ نیوز18۔اکتوبر۔2018ء) پچھلے دیہاڑے زینب دے قاتل نوں پھانسی دے دتی گئی تے اوہ اپنے انجام نوں اپڑ گیا۔ مجرم نوں لبھن وچ کئی دن لگے۔ پر میڈیا رپورٹس مطابق زینب دے قتل کیس دے ساہمنے آن اُتے دوجے دن ای مجرم عمران علی دے گھر والیاں نوں اوہدے جرم دا پتا لگ گیا سی تے ماں پُتر نوں بچانا چاہندی سی۔ جدکہ کئی رشتے دار عمران علی نوں پھڑوا کے اک کروڑ رُپئے لینا چاہندے سن۔

عمران علی دے والد دا انتقال 2017وچ ہویا۔ اوہنے پیو دے مرن دے کُجھ دن بعد ای زینب نال زیادتی کیتی سی۔ اوہ 2015توں بالاں نوں زیادتی دا نشانہ بنا رہیا سی ۔ اک بالڑی دے وارث نوں مجرم نے دسیا کہ زینب قتل دے اگلے دن جدوں پولیس مینوں لبھ رہی سی تے میرے نِکے بھرا نے فوٹیج ویکھ کے مینوں سیہان لیا سی پر میں دو دن جرم توں انکار کردا رہیا تے آکھیاکہ کیمرے وچ آن والا میرا کوئی ہم شکل اے۔

پر فیر میں گھر والیاں نوں دس دتا۔ ماں نے میری ٹوپی تے جیکٹ لُکا دتی سی تے دوجیاں شیواں پوا دتیاں سن۔ چاچے نے آکھیا سی کہ اسیں ایہنوں پھڑوا دینے آں کیونکہ اسیں غریب لوک آں تے اک کروڑ رُپئے ملن مگروں ساڈے حالات بہتر ہو جان گے۔ مجرم نے ہور دسیا سی کہ میں ڈی این اے ٹیسٹ کروا کے پاکپتن چلا گیا مینوں پتا نہیں سی کہ ایہ ٹیسٹ کیوں ہوندا اے۔جیہدے مگروں پولیس نوں میرے بارے پتا لگا۔