اسلام آباد(پاکستان پوائنٹ نیوز17۔اکتوبر۔2018ء) حکومت نے لوکائی اُتے اک وار فیر بجلی بم ڈیگن دی تیاری کر لئی۔میڈیا رپورٹس مطابق حکومت نے اک وار فیر بجلی بم ڈیگن دی تیاری کر لئی اے۔بجلی دی قیمت وچ 5رُپئے فی یونٹ وادھے دا امکان۔رپورٹس مطابق بجلی دیاں قیمتاں وچ وادھا مہینہ وار فیول ایڈجسٹمنٹ دی مد وچ کیتا جائے گا۔ تقسیم کار کمپنیاں دے بقایا پیسے وی شامل کیتے جان گے۔
نیپرا نے درخاست سنٹرل پاور پرچیزنگ ایجنسی نوں گھل دتی اے۔ نیپرا دی درخاست اُتے سنوائی 24اکتوبر نوں ہوئے گی۔یاد رہوے کہ ایس توں پہلاں چالو مہینے آئل اینڈ گیس ریگولیٹری اتھارٹی نے گیس دیاں قیمتاں وچ وادھے دا نوٹی فکیشن جاری کیتا سی۔اوگرا ولوں جاری نوٹی فکیشن مطابق مہینہ 50کیوبک میٹر تیک گیس ورتن والیاں لئی قیمت وچ 10فیصد جدکہ 100مکعب میٹر تیکر گیس ورتن والیاں لئی فی یونٹ 15 فیصد مہنگا کر دتا گیا۔
مہینہ 200مکعب میٹر گیس ورتن اُتے فی یونٹ 20فیصد وادھا کیتا گیا۔ ایس حوالے نال نوٹی فکیشن وچ ایہ وی آکھیا گیا سی کہ مہینہ 300مکعب میٹر گیس ورتن اُتے فی یونٹ25فیصد وادھا ہوئے گا۔۔ مہینہ 400مکعب میٹر گیس ورتن اُتے 30فیصد فی یونٹ وادھا ہویا اے۔ دوجے پاسے کمرشل سیکٹر لئی وی گیس مہنگی کر دتی گئی اے۔ کمرشل سیکٹر لئی گیس 40فیصد مہنگی کیتی گئی اے۔
کھاد سیکٹر لئی بطور فیول گیس 40فیصد فی یونٹ مہنگی ہوئی اے۔ کھاد سیکٹر لئی گیس بطور خام مال 50فیصد فی یونٹ مہنگی کر دتی گئی۔ ایس طرحاں عام صنعتاں لئی گیس دیاں قیمتاں وچ 40فیصد فی یونٹ وادھا کیتا گیا اے۔بجلی کارخانیاں لئی گیس 57فیصد تے سی این جی سیکٹر لئی 40فیصد فی یونٹ مہنگی کیتی گئی اے۔یاد رہوے کہ نوٹی فکیشن دا اطلاق 27ستمبر توں ہوئے گا۔
