لاہور(پاکستان پوائنٹ نیوز16۔اکتوبر۔2018ء) اج نیب نے آشیانہ ہاؤسنگ سکیم سکینڈل و چ گرفتار شہباز شریف نوں نیب عدالت وچ پیش کیتا۔ نیب حکام نے نیب کورٹ وچ شہباز شریف دے 15دناں دے جسمانی ریمانڈ دی بینتی کیتی۔ نیب کورٹ نے سابق وزیر اعلا پنجاب میاں شہباز شریف دا ہور 10دناں دا جسما نی ریمانڈ منظور کر لیا۔ نیب پیشی دے موقعے اُتے گل بات کردے ہوئے سابق وزیر اعلا پنجاب میاں شہباز شریف دا آکھنا سی کہ نیب عدالت نال اکھ مچولی کھیڈ رہیا اے۔
نیب کول میرے خلاف کوئی ثبوت نہیں پر ایہ ویلا وی لنگھ جائے گا۔ حق تے سچ دی جِت ہوئے گی۔ شہباز شریف نے ہور آکھیا کہ ضمنی الیکشن وچ کامیابی نے ثابت کیتا کہ عوام مسلم لیگ (ن) نال اے۔ اوہناں نے ہور آکھیا کہ نیب نے جتھے مینوں رکھیا اے، اوتھے کیمرے وی لگے نیں جدکہ شام نوں مینوں واک لئی باہر لیجایا جاندا اے۔ جہانگیر دور دا وڈا تالا میرے بوہے اُتے لگا ہویا اے۔ اوہناں دا آکھنا سی کہ نواز شریف نال میری ملاقات دوران ڈی جی نیب وی عدالتی کمرے وچ موجود سن تے تن تن اہلکاراں نوں میرے کمرے دے باہر تعینات کیتا گیا اے۔
