کراچی(پاکستان پوائنٹ نیوز16۔اکتوبر۔2018ء) زنانیاں نوں اکھ مارنا وی ہن جرم ہوئے گا۔ سندھ دے نجی و سرکاری اداریاں وچ زنانیاں نوں چھیڑن، ہراساں کرن یاں فیر جنسی تشدد کرن والے مرداں نوں نوکریاں کڈھ دتا جائے گا۔ میڈیا رپورٹس مطابق حکومت سندھ نے ملازمت پیشہ سوانیاں دے تحفظ لئی قانونی مسودہ تیار کر لیا اے۔ قانونی مسودے یعنی سندھ پروٹیکشن اگینسٹ ہراسمنٹ ایٹ ورک پلیس ایکٹ تیار کر لیا گیا اے۔
ایکٹ دے تحت سندھ وچ سوانیاں نوں چھیڑنا، ہراساں کرنا تے جنسی تشدد ناقابل معافی جرم ہوئے گا۔ جدکہ سوانیاں دے نال نال کُھسریاں نوں چھیڑن والیاں خلاف وی قانون حرکت وچ آئے گا۔ سارے نجی و سرکاری اداریاں وچ سوانیاں دے تحفظ لئی کمیٹی بنانا ضروری ہوئے گا۔ انکوائری اتھارٹی تن ارکان اُتے مشتمل ہوئے گی۔ سوانیاں ہراساں کیتے جان دی صورت وچ تحریری شکایت کر سکن گیاں۔ ایکٹ دے مطابق صوبائی محتسب نوں وی براہ راست شکایت کیتی جاسکے گی۔ انکوائری اتھارٹی شکایت ملن مگروں تن دن وچ فیصلا کرے گی۔ قصور وار بندے نوں ملازمت توں برطرفی، تنخاہ تے سہولتاں روکن دیاں سزاواں وی ایکٹ وچ شامل نیں۔ جدکہ چھیڑ خانی کرن والے مرداں دی ترقی و انکرومینٹ روکن دی وی سفارش کیتی گئی اے۔
