کراچی(پاکستان پوائنٹ نیوز16۔اکتوبر۔2018ء) پاکستان تحریک انصاف دے صوبائی و قومی اسمبلی دے دو ممبراں دا آپس وچ جھیڑا ہوگیا، جھیڑے دوران دوناں دے حامیاں نے اک دوجے نوں مُکیاں تے لتاں نال کُٹیا۔ میڈیا رپورٹس مطابق پاکستان تحریک انصاف دے رکن قومی اسمبلی آفتاب جہانگیر تے رکن صوبائی اسمبلی رابستان وچکار تلخی ہوگئی۔دوناں دی تلخی دے نتیجے وچ حامی وی اک دوجے نال لڑ پئے۔
دوویں ارکان اسمبلی دے حامیاں نے اک دوجے نوں مُکیاں تے لتاں نال کُٹیا۔ دسیا گیا اے کہ پی ٹی آئی دے رکن قومی اسمبلی آفتاب جہانگیر مُکیاں توں بچن لئی گڈی وچ بِہ گئے۔ جیہدے مگروں غصے وچ آ ئے رابستان دے حامی اوہناں دی گڈی نوں لتاں ماردے رہے۔ ایم این اے آفتاب جہانگیر تے ایم این اے رابستان وچکار تلخی تے جھیڑا سرجانی ٹاؤن وچ ہویا۔ رکن قومی اسمبلی آفتاب جہانگیر دا آکھنا سی کہ میں تے رابستان نے آپس وچ بہ کے معاملا حل کر لیا سی ۔
پر مینوں نہیں پتا سی کہ میری گڈی اُتے حملا کرن والے کون بندے سن۔ اوہناں نے آکھیا کہ گڈی اُتے حملا کرن والیاں دیاں تحقیقات کر رہیا واں۔ پر رابستان دے حامیاں نے میرے نال بدتمیزی کیتی سی۔ دوجے پاسے پارٹی دے سینئر رہنما شیر زمان نے دوویں رہنماواں کولوں جواب منگ لیا اے۔
