2018چودھری برادران لئی خشی دی علامت بن گیا

چودھری خاندان دے 4بندے اسمبلی وچ اپڑے

2018چودھری برادران لئی خشی دی علامت بن گیا
چودھری خاندان دے 4بندے اسمبلی وچ اپڑے

لاہور(پاکستان پوائنٹ نیوز15۔اکتوبر۔2018ء) 2018 چودھری برادران لئی خشی دی علامت بن گیا ۔ ایس سال چودھری خاندان دے 4بندے اسمبلی وچ اپڑے۔ چالو سال چودھری برادران دی سیاست لئی بہترین ثابت ہویا۔ چودھری ظہور الہی دی نسل نے صوبائی اسمبلی دی اک جدکہ قومی اسمبلیاں دیاں تن سیٹاں اُتے کامیاب ہو کے پارلیمنٹ وچ اپنے پیر رکھے۔ گجرات دے حلقہ این اے 69توں ضمنی الیکشن دوران مونس الہی ۔

اوہناں دے والدچودھری پرویز الہی پی پی 30توں عام انتخابات وچ جِت کے سپیکر پنجاب اسمبلی بنے جدکہ این اے 68توں چودھری شجاعت حسین دے بھتیجے چودھری وجاہت حسین دے پُتر چودھری حسین الہی ایم این اے چُنے گئے۔ چودھری حسین الہی نے سبھ توں گھٹ عمر رکن قومی اسمبلی دا اعزاز اپنے ناں کیتا اے۔ این اے 65چکول توں چودھری شجاعت حسین دے پُتر چودھری سالک حسین وی کامیاب ہوئے، تے ایہدے نال ای ملکی سیاست وچ چودھری ظہور الہی دا خاندان اوہ واحد خاندان بن گیا اے جیہدے چار جی اسمبلیاں وچ اپڑن وچ کامیاب ہوئے نیں۔ دوجے پاسے ایس اعزاز دے نال ای (ق)لیگ پنجاب دے نال نال وفاق وچ وی حکومت دی لوڑ بن گئی اے۔ پاکستان تحریک انصاف دا پنجاب وچ سادہ اکثریت دا خاب ٹُٹ گیا۔