کراچی(پاکستان پوائنٹ نیوز15۔اکتوبر۔2018ء) ضمنی الیکشن مگروں قومی اسمبلی وچ متحدہ قومی موومنٹ دی اہمیت گھٹ ہوگئی اے۔ متحدہ دیاں قومی اسمبلی وچ 6سیٹاں سن تے اوہنے عمران خان دی حمایت کیتی سی۔ پر ضمنی الیکشن وچ تحریک انصاف نوں 4تے اوہدی اتحادی جماعت(ق) لیگ نوں دو سیٹاں ملیاں نیں۔ ایس طرحاں کُل ملاکے حکومت نوں 6سیٹاں مل گئیاں نیں۔ ایس توں وکھ قومی اسمبلی دے حلقہ این اے 247وچ 21اکتوبر نوں الیکشن ہوئے گا، جیہدے وچ پی ٹی آئی دی کامیابی یقینی اے۔
ایس سیٹ اُتے ڈاکٹر عارف علوی کامیاب ہوئے سن، جیہناں صدارتی الیکشن وچ جِت دی وجہ توں اپنی سیٹ چھڈی۔ اِنج 7سیٹاں ہو جان گیاں پر پی ٹی آئی وسیلیاں دا آکھنا اے کہ ایم کیو ایم نوں حکومت وچوں نہیں کڈھاں گے تے بلیک میلنگ وچ وی نہیں آواں گے۔
