اسلام آباد(پاکستان پوائنٹ نیوز15۔اکتوبر۔2018ء) الیکشن کمیشن نے خواجا سعد رفیق دے دھمکی آمیز بیان دا نوٹس لیندے ہوئے تحریری وضاحت منگ لئی اے۔ ترجمان الیکشن کمیشن نے آکھیا اے کہ انتخابی عملا تن دہاکیاں توں اپنے فرض نبھا رہیا اے ، کسے امیدوار یاں سیاسی جماعت دے دباء وچ نہیں آواں گے حتمی نتیجے تیکر نتیجے وچ ردوبدل دا الزام لانا ٹھیک نہیں۔
تفصیل مطابق الیکشن کمیشن نے خواجا سعد رفیق دے این اے 131دے نتیجے وچ تبدیلی دے الزام دا نوٹس لیند ے ہوئے اوہناں کولوں تحریری وضاحت منگ لئی اے۔یاد رہوے کہ خواجا سعد رفیق نے ایتوار دی شام 7توں 8وجے دے وچکار اپنی انتخابی کامیابی دا اعلان کردے ہوئے دعوا کیتا سی کہ اوہ ہزاراں ووٹاں توں جِت چُکے نیں پر کُجھ پولنگ سٹیشناں دے نتیجے روک کے اوہناں نوں بدلن دی کوشش کیتی جا رہی اے جیہدے اُتے الیکشن کمیشن نے تحریری نوٹس جاری کردے ہوئے خواجا سعد رفیق کولوں جواب منگ لیا اے۔
