لاہور(پاکستان پوائنٹ نیوز15۔اکتوبر۔2018ء) مسلم لیگ (ن) دے مرکزی رہنما وسینیٹر ڈاکٹر آصف کرمانی نے آکھیا اے کہ اجے تے شروعات اے، اگے ویکھو کیہ ہوندا اے۔ تحریک انصاف نوں جیہناں نے مسلط کیتا سی اوہناں نے ہن ہتھ کھچ لیا اے۔ اوہناں نے ضمنی الیکشن وچ مسلم لیگ (ن) دی جِت اُتے خشی دا اظہار کردے ہوئے آکھیا کہ الیکشن وچ جِت دا یقین سی۔ ثابت ہوگیا کہ لوکائی کل دی طرحاں اج وی نواز شریف نال اے۔
آصف کرمانی نے ہور آکھیا کہ جیہناں نے تحریک انصاف نوں مسلط کیتا اوہناں نے ہن ہتھ کھچ لیا اے۔ اجے تے شروعات اے اگے ویکھو کیہ ہوندا اے۔ یاد رہوے کہ پچھلے دیہاڑے ہون والے ضمنی الیکشن وچ قومی اسمبلیاں دیاں 11سیٹاں وچوں مسلم لیگ(ن) تے تحریک انصاف نے چار چار جدکہ مسلم لیگ (ق) تے متحدہ مجلس نے دو دو سیٹاں جِتیاں نیں۔
