اسلام آباد(پاکستان پوائنٹ نیوز15۔اکتوبر۔2018ء) ضمنی الیکشن وچ سمندر پار پاکستانیاں دے ووٹ دی اہمیت ودھ گئی، سمندر پار پاکستانیاں دے ووٹ 6حلقیاں وچ اہم کردار ادا کر سکدے نیں۔ غیر حتمی و غیر سرکاری نتیجے مطابق قومی و صوبائی اسمبلیاں دے 6حلقیاں وچ جِت دا فرق بہت گھٹ اے۔ این اے راولپنڈی 60تے پی کے 7سوات وچ جت دا فرق صرف600اے،ایس توں وکھ پی کے 53مردان وچ وی جت دا فرق صرف 36ووٹاں دا اے جدکہ پی کے 3سوات وچ جت دا فرق 800تے پی پی 27جہلم وچ وی صرف 600ووٹاں دا فرق اے۔
ایس توں وکھ پی پی 3اٹک وچ امیدوار دی جت دا مارجن 150ووٹاں دے نیڑے اے۔ الیکشن کمیشن دے ترجمان ندیم قاسم دا آکھنا سی کہ اوورسیز پاکستانیاں دے ووٹاں دا فیصلا نادرا حکام نال ملاقات وچ ہوئے گا۔ میڈیا نال گل بات کردے ہوئے ترجمان الیکشن کمیشن ندیم قاسم نے آکھیا کہ 85فیصد اوورسیز پاکستانیاں نے ووٹ پائے نیں پر نادرا حکام نال ملاقات وچ طے ہوئے گا کہ اوورسیز پاکستانیاں دے ووٹاں نوں شامل کرنا اے یاں نہیں۔ حکام نے دسیا کہ سمندر پار 7364پاکستانی بطور ووٹرز رجسٹر کیتے گئے جیہناں وچوں انٹرنیٹ راہیں کل 6ہزار 233ووٹ کاسٹ ہوئے۔
