لاہور(پاکستان پوائنٹ نیوز15۔اکتوبر۔2018ء) مسلم لیگ (ن) دی ترجمان مریم اورنگزیب نے ٹویٹ کردے ہوئے آکھیا اے کہ جو حلقے عمران خان نے نہ کھولے، اوہ لوکائی نے کھول دتے ۔ تفصیل مطابق پچھلے دیہاڑے ہون والے ضمنی الیکشن وچ مسلم لیگ (ن) تے تحریک انصاف نے چار چار سیٹاں جِتیاں۔ پر ایس الیکشن وچ تحریک انصاف نے اپنیاں جِتیاں ہوئیاں سیٹاں وی گوا دتیاں۔ انتخابی نتیجے مگروں مسلم لیگ (ن) وچ خشی دی لہر دوڑ گئی تے (ن) لیگ ولوں ایہ دعوا کیتا گیا کہ (ن) لیگ اجے وی لوکائی دے دِلاں اُتے راج کر دی اے۔ ایس بارے مسلم لیگ (ن) دی ترجمان مریم اورنگزیب نے ٹویٹ کردے ہوئے آکھیا اے کہ عمران خان صاحب نے حلقے کھولن دا وعدہ کیتا سی۔ پر اجے تیکر وعدہ پورا نہ کیتا پر اوہناں دے جِتے ہوئے حلقیاں نوں لوکائی نے اج آپ کھول دتا۔
