گڈی دا شیشہ توڑ کے گڈی چوری کرنا کنا آسان اے؟سوشل میڈیا اُتے ویڈیو وائرل

لاہور(پاکستان پوائنٹ نیوز13۔اکتوبر۔2018ء) گڈی مُل لینا ہر اک دی خاہش ہوندی اے، شہری اپنی جمع پونجی نال لکھاں رُپئے مالیت دیاں گڈیاں مُل لیندے نیں تے اوہناں دی حفاظت وی کردے نیں۔ گڈی بنان والیاں کمپنیاں سکیورٹی تے فیچرز دے ناں اُتے لوکاں کولوں وڈی رقم لیندیاں نیں ۔ کمپنیاں دیاں ایہ گڈیاں سکیورٹی دے لحاظ نال زیرو نیں۔ ایس حوالے نال سوشل میڈیا اُتے اک ویڈیو وائرل ہوئی اے۔ ویڈیو وچ اک کارچور نے 20لکھ رُپئے والی کرولا گڈی دے شیشے توڑے تے آسانی نال گڈی دے لاک کھول کے گڈی سٹارٹ کر لی۔ وائرل ویڈیو وچ ویکھیا گیا کہ پولیس حراست وچ موجود کار چور نے پارکنگ وچ کھلوتی کرولا گڈی دا شیشہ توڑیا تے پچھلی سیٹ توں لاک کھول کے پوری گڈی نوں ان لاک کر دتا۔ ایہو نہیں بلکہ فیر اپنے اوزار دی مدد نال اوس گڈی دا سٹرینگ کھولیا تے گڈی سٹارٹ کر لی۔ ویڈیو وچ کار چور دے ہتھاں وچ موجود ہتھکڑیاں نوں ویکھیا جا سکدا اے۔ ویڈیو بنان دا مقصد شاید گڈی مالکاں نوں ایہ دسنا لگدا سی کہ اوہناں دی گڈی کِنی آسانی نال چوری ہو سکدی اے۔ ویڈیو سوشل میڈیا اُتے وائرل ہوئی اے۔تُسیں وی ویکھو!