خلیفہ ہون دے دعویدار بندے دیاں جیل وچ بھڑکاں

جیل وچ ڈیوٹی اُتے موجود پولیس اہلکاراں نوں دھمکیاں دین لگا

خلیفہ ہون دے دعویدار بندے دیاں جیل وچ بھڑکاں
جیل وچ ڈیوٹی اُتے موجود پولیس اہلکاراں نوں دھمکیاں دین لگا

ملتان(پاکستان پوائنٹ نیوز12۔اکتوبر۔2018ء) 11ویں خلیفہ ہون دا دعوا کرن والے بندے نوں گرفتار کر کے جیل منتقل کیتا گیا تے ملعون نے جیل وچ وی پولیس اہلکاراں نوں دھمکانا شروع کر دتا۔ تفصیل مطابق خانیوال پولیس نے عدالتی ریمانڈ اُتے عبداللہ بن منیب نوں ملتان جیل گھل دتا، جتھے اوہنوں خاص حفاظتی انتظامات وچ رکھیا گیا اے۔ وسیلیاں مطابق عام قیدیاں تے حوالاتیاں نال ایس دعویدار نوں ملاقات دی اجازت نہیں اے۔

ملزم عبداللہ بن منیب نے جیل عملے نوں وی گمراہ کرن دی کوشش کیتی پر ناکام ہو گیا۔اوہنے عملے نوں اپنی بیعت کرن دی دعوت دتی تے جیل وچ وی آئی پی سہولتاں دین دی منگ کیتی۔ ملزم نے دھمکی دتی کہ جے اوہنوں خصوصی سہولتاں نہ دتیاں گئیاں اوہ عملے نوں بد دعا دیوے گا۔ عبداللہ نے اپنی گرفتاری توں بچن دی بھرپور کوشش کیتی سی۔ اپنا موبائل فون بند کر کے ملزم لاہور، ساہیوال تے خانیوال فرار ہون کوشش کردا رہیا پر آخیر پولیس نے اوہنوں گرفتار کرلیا۔

خانیوال پولیس نوں وسیلیاں نے دسیا کہ گرفتار ملزم نے سماجی رابطے دی ویب سائٹ اُتے اپنی خلافت دا اعلان کیتا جیہدے اُتے پاکستانیاں نے اوہنوں تنقید دا نشانہ بنایا۔ خانیوال پولیس نے عبداللہ خلاف توہین مذہب دا مقدمہ درج کیتا تے بعدوں اوہنوں گرفتار کر لیا۔