لاہور(پاکستان پوائنٹ نیوز11۔اکتوبر۔2018ء) پنجاب یونیورسٹی دے سابق وائس چانسلر ڈاکٹر مجاہد کامران نوں نیب نے گرفتار کر لیا اے، ڈاکٹر مجاہد کامران اُتے بے ضابطگیاں تے قانون توں ہٹ کے بھرتیاں دا الزام سی، نیب ایگزیکٹو بورڈ نے مجاہد کامران خلاف تحقیقات دا حکم دتا سی۔ میڈیا رپورٹس مطابق نیب نے تعلیمی اداریاں دے سربراہواں خلا ف وی گھیرا تنگ کر دتا اے۔
نیب نے سابق وائس چانسلر پنجاب یونیورسٹی ڈاکٹر مجاہد کامران نوں گرفتار کر لیا اے۔ ڈاکٹر مجاہد کامران اُتے بے ضابطگیاں تے قانون توں ہٹ کے بھرتیاں دا الزام سی۔وسیلیاں مطابق نیب ایگزیکٹو بورڈ نے مجاہد کامران خلاف تحقیقات دا حکم دتا سی۔یاد رہوے کہ ایس توں پہلاں اج احتساب عدالت وچ شہباز شریف دے داماد علی عمران دی جائیداد ضبط کرن بارے کیس دی سنوائی ہوئی۔
سنوائی دوران علی عمران دی جائیداد ضبط کرن دا حکم دتا گیا ۔یاد رہوے کہ نیب نے علی عمران خان صاف پانی کمپنی کیس وچ تحقیقات کیتیاں سن۔ جیہدے اُتے نیب نے عدالت توں بینتی کیتی سی کہ علی عمران نوں اشتہاری قرار دتا جائے تے اوہناں دی جائیداد ضبط کرن دا حکم وی دتا جائے۔پر اج احتساب عدالت نے عمران دی جائیداد ضبط کرن دا حکم نیب نوں دتا اے۔پر عدالت نے ہور شیئر ہولڈرز خلاف نیب کارروائی نوں روک دتا اے۔
