راولپنڈی (پاکستان پوائنٹ نیوز10۔اکتوبر۔2018ء) لیفٹیننٹ جنرل عاصم منیر نوں ڈی جی آئی ایس آئی تعینات کر دتا گیا اے۔ پاک فوج دے شعبہ تعلقات عامہ مطابق پاک فوج وچ لیفٹیننٹ جنرل دے عہدے اُتے تقرریاں تے تعیناتیاں کیتیاں گئیاں نیں جیہدے بعد لیفٹیننٹ جنرل عاصم منیر نوں ڈی جی آئی ایس آئی تعینات کر دتا گیا اے۔آئی ایس پی آر مطابق لیفٹیننٹ جنرل ندیم ذکی کور کمانڈر منگلا جدکہ لیفٹیننٹ جنرل عبدالعزیز نوں ملٹری سیکرٹری جی ایچ کیو تعینات کیتا گیا اے۔
یاد رہوے کہ 28ستمبر نوں پاک فوج دے 6میجر جنرل نوں لیفٹیننٹ جنرلز دے عہدے اُتے ترقی دتی گئی سی جیہناں وچ میجر جنرل شاہین مظہر، میجر جنرل ندیم ذکی، میجر جنرل عبدالعزیز، میجر جنرل عاصم منیر، میجر جنرل عدنان تے میجر جنرل وسیم اشرف نوں لیفٹیننٹ جنرل بنایا گیا سی۔
