لاہور(پاکستان پوائنٹ نیوز09۔اکتوبر۔2018ء) وفاقی وزیر اطلاعات و نشریات فواد چودھری نے واضح کیتا اے کہ آئی جی دی تبدیلی نال بیوروکریسی نوں سنیہا دتا اے، بیوروکریسی نوں آکھیا کہ جو کم کرے گا اوہی رہوے گا، آئی جی پنجاب نوں کُجھ معاملات اُتے چھیتی عمل دا آکھیا جیہدے وچ دیر ہوئی۔ اوہناں نے آئی پنجاب طاہر خان نوں عہدے توں ہٹائے جان اُتے اپنے ردعمل وچ آکھیا کہ آئی جی پنجاب نوں کُجھ معاملات اُتے چھیتی عمل دا آکھیا جیہدے وچ دیر ہوئی۔
آئی جی پنجاب نوں ہٹا کے بیوروکریسی نوں سنیہا دتا اے جو کم کرے گا اوہی رہوے گا۔ اوہناں نے آکھیا کہ آئی جی پنجاب نوں حکومتی حکم نہ منن دی وجہ توں عہدے توں ہٹایا گیا۔دوجے پاسے الیکشن کمیشن آف پاکستان نے آئی جی پنجاب نوں عہدے توں ہٹان دا نوٹس لیندے ہوئے آئی جی دی تقرری نوں روک دتا اے۔ آئی جی پنجاب طاہر خان نوں عہدے توں ہٹان دا نوٹی فکیشن وی معطل کر دتا گیا اے۔الیکشن کمیشن دا آکھنا سی کہ ضمنی الیکشن کارن سرکاری ملازماں دے تبادلیاں تے تقرریاں اُتے پابندی اے۔
