طالبہ دے والد نال بدتمیزی کرن والے کلرک نوں نوکریوں کڈھ دتا گیا

طالبہ دے والد نال بدتمیزی کرن والے کلرک نوں نوکریوں کڈھ دتا گیا

کراچی(پاکستان پوائنٹ نیوز08۔اکتوبر۔2018ء) وزیر تعلیم سندھ نے کراچی وچ نیو سعید آباد ڈگری کالج دے کلرک نوں طالبہ دے والد نال مندا سلوک کرن اُتے نوکریوں کڈھ دتا اے۔ صوبائی وزیر تعلیم سردار شاہ نے کالج دے کلرک ولوں والد نال مندا سلوک کرن اُتے کلرک تے والد نوں اپنے دفتر وچ سدیا ، جیہدے اُتے حیدر آباد ریجنل ڈائریکٹر کالجز، ڈگری کالج دی انتظامیہ تے والد صوبائی وزیر ساہمنے پیش ہوئے۔

وزیر تعلیم نے طالبہ دے والد نال مندا سلوک کرن والے کلرک اُتے خفگی دا اظہا ر کردے ہوئے اوہنوں نوکریاں کڈھ دتا۔ اوہناں نے آکھیا کہ تُسیں اپنے آپ نوں بادشاہ سمجھدے او کوئی عہدہ ملیا اے تے عزت کرو۔ طالبہ دے والد ظفر اللہ میمن نے صوبائی وزیر تعلیم توں انصاف دی اپیل کردے ہوئے آکھیا کہ میرے تِن بال ایس کالج وچ پڑھدے نیں جیہناں وچ دوھیاں تے اک پُترشامل اے۔

میں اپنی دھی لئی ایم اے دا فارم لین کالج گیا پر کلرک نے فارم دین توں منع کر دتا۔ اوہناں دا کہنا سی کہ جدوں میں کلرک دی شکایت کیتی تے پرنسپل نے کلرک سنے ہور سٹاف دی کھچائی کیتی۔پر ایہدے مگروں کلرک سنے ہور سٹاف نے میری بے عزتی کردے ہوئے مینوں دھمکیاں دتیاں جدکہ میں اپنے بالاں دے مستقبل لئی کلرک دے پیریں پے گیا۔ وزیر تعلیم سندھ سردار شاہ نے ڈگری کالج دے سینئر کلرک ولوں طالبہ دے والد نال بدتمیزی کرن اُتے اوہنوں نوکریوں کڈھدے ہوئے ساتھی کلرک کامران خانزادہ نوں معطل کر دتا۔