اسلام آباد(پاکستان پوائنٹ نیوز08۔اکتوبر۔2018ء) پاکستان تحریک انصاف دی حکومت نے بے گھر بندیاں لئی 50لکھ گھر بنان دا اعلان کیتا سی جیہدے اُتے مڈھلا کم مکمل کر لیا گیا اے۔ رہائشی منصوبے اُتے مڈھلا کم پورا ہون نال بے گھر بندیاں وچ خشی دی لہر دوڑ گئی اے جدکہ وزیر اعظم عمران خان چالو ہفتے ایس منصوبے دا اعلان وی کرن گے۔ وسیلیاں مطابق منصوبے دے اعلان لئی 10اکتوبر دی تاریخ دی تجویز پیش کیتی گئی۔
ایس حوالے نال وزیر اعظم عمران خان پائلٹ پراجیکٹ تے منصوبے دیاں ہور تفصیلاں جاری کرن گے۔ وفاق وچ ’اپنا گھر‘ اتھارٹی لئی قانون سازی ہوئے گی جدکہ مرکز تے چارے صوبیاں وچ ’اپنا گھر‘ اتھارٹی قائم کیتی جائے گی۔ وزیر اعظم عمران خان ولوں ایس منصوبے دے اعلان مگروں بے گھر بندیاں دی رجسٹریشن دا کم شروع ہوئے گا جیہدے بعد بے گھر تے ماڑے بندیاں ولوں فارم جمع کروائے جان گے۔ یاد رہوے کہ پاکستان تحریک انصاف نے غریب بندیاں لئی 50لکھ گھر بنان دا اعلان کیتا سی۔
