لاہور(پاکستان پوائنٹ نیوز08۔اکتوبر۔2018ء) حلقہ این اے 131دے ضمنی الیکشن وچ خواجا سعد رفیق تے ہمایوں اختر آہمنے ساہمنے نیں۔ خواجا سعد رفیق دا آکھنا اے کہ تحریک انصاف ولوں الیکشن جتن لئی کدی قائداعظم استعمال ہو رہیا اے۔ کدی بیت المال دا فنڈ ۔ ایہدے جواب وچ ہمایوں اختر دا آکھنا سی کہ اجے تیکر تے اسیں حکومت وچ ٹھیک طرحاں پیر نہیں وی نہیں رکھے۔
اجے تیکر بیت المال سنے ہور اداریاں اُتے تہاڈے لائے ہوئے چیئرمین بیٹھے نیں۔ ایس لئی میں ایہناں الزاماں نوں رد کرنا واں تے جتھے تیکر حلقے دی لوکائی دی گل اے تے حلقے دی آواز ایہ اے کہ سعد رفیق الیکشن ویلے پیر پھڑ لیندے نیں پر ایس توں پہلاں ایہ اک بدتمیز بندے نیں تے این اے 131وچ اک وی اجیہا بندہ نہیں اے جیہنوں سعد رفیق نے نوکری دوائی ہوئے۔اوہناں دا کہنا سی کہ سعد رفیق نے حلقے وچ کوئی کم نہیں کیتا۔
