لاہور(پاکستان پوائنٹ نیوز05۔اکتوبر۔2018ء) نیب ولوں گرفتار کیتے جان مگروں شہباز شریف دی طبیعت وِگڑ گئی، شہباز شریف دا گرفتاری مگروں نیب آفس وچ ڈاکٹری معائنہ، ڈاکٹراں دی ٹیم نے بلڈ پریشر، شوگر لیول چیک کرن دے نال نال ضروری ٹیسٹ وی کیتے۔ تفصیل مطابق اج آشیانہ ہاؤسنگ سکیم سکینڈل وچ سابق وزیر اعلا پنجاب شہباز شریف نوں گرفتار کر لیا گیا ۔مسلم لیگ (ن) نے وی پارٹی صدر شہباز شریف دی گرفتاری دی تصدیق کیتی اے۔
ترجمان مسلم لیگ (ن) مریم اورنگزیب نے آکھیا کہ پارٹی صدر شہباز شریف نوں گرفتار کر لیا گیا اے۔ شہباز شریف نوں اج آشیانہ ہاؤسنگ سکیم سکینڈل وچ گرفتار کیتا گیا اے۔ ڈی جی نیب نے وی سابق وزیر اعلا نوں گرفتار کرن دی تصدیق کر دتی اے۔ سابق وزیر اعلا پنجاب اج تیجی وار عدالت وچ پیش ہوئے جتھے اوہناں ساہمنے کیس وچ حاصل کیتے جان والے ثبوت پیش کیتے گئے پر نیب دے ساہمنے شہباز شریف کوئی تسلی بخش جواب نہ دے سکے، جیہدے مگروں اوہناں نوں گرفتار کر لیا گیا ۔
پر تازہ اطلاع مطابق نیب ولوں گرفتار کیتے جان مگروں شہباز شریف دی طبیعت وِگڑ گئی اے۔ شہباز شریف دا گرفتاری مگروں نیب آفس وچ ڈاکٹری معائنہ کیتا گیا۔ ڈاکٹراں دی ٹیم نے بلڈ پریشر، شوگر لیول چیک کرن دے نال نال ضروری ٹیسٹ وی کیتے۔
