لاہور(پاکستان پوائنٹ نیوز05۔اکتوبر۔2018ء) شہباز شریف دی گرفتاری مگروں وفاقی وزیر اطلاعات دا بیان وی ساہمنے آ گیا اے۔ تفصیل مطابق شہباز شریف دی گرفتاری مگروں وفاقی وزیر اطلاعات دا بیان وی ساہمنے آ گیا اے۔فواد چودھری دا آکھنا سی کہ ایہ تے پہلی گرفتاری اے۔ احتساب دا عمل ہن ہور اگانہ ودھے گا۔ اوہناں نے آکھیا کہ آن والے دناں وچ ہور گرفتاریاں ہون گیاں۔
یاد رہوے کہ اج آشیانہ ہاؤسنگ سکیم سکینڈل وچ سابق وزیر اعلا پنجاب شہباز شریف نوں گرفتار کر لیا گیا ۔مسلم لیگ (ن) نے وی پارٹی صدر شہباز شریف دی گرفتاری دی تصدیق کیتی اے۔ ترجمان مسلم لیگ (ن) مریم اورنگزیب نے آکھیا کہ پارٹی صدر شہباز شریف نوں گرفتار کر لیا گیا اے۔ شہباز شریف نوں اج آشیانہ ہاؤسنگ سکیم سکینڈل وچ گرفتار کیتا گیا اے۔ ڈی جی نیب نے وی سابق وزیر اعلا نوں گرفتار کرن دی تصدیق کر دتی اے۔ سابق وزیر اعلا پنجاب اج تیجی وار عدالت وچ پیش ہوئے جتھے اوہناں ساہمنے کیس وچ حاصل کیتے جان والے ثبوت پیش کیتے گئے پر نیب دے ساہمنے شہباز شریف کوئی تسلی بخش جواب نہ دے سکے، جیہدے مگروں اوہناں نوں گرفتار کر لیا گیا ۔
