وسائل اندر رہندے ہوئے لوکائی نوں ریلیف دیواں گے:وزیر اعلا پنجاب

تحریک انصاف دی حکومت دے پہلے بجٹ وچ نویں پاکستان دی حقیقی جھلک نظر آوے گی:اعلا سطح دے اجلاس وچ گل بات

وسائل اندر رہندے ہوئے لوکائی نوں ریلیف دیواں گے:وزیر اعلا پنجاب
 تحریک انصاف دی حکومت دے پہلے بجٹ وچ نویں پاکستان دی حقیقی جھلک نظر آوے گی:اعلا سطح دے اجلاس وچ گل بات

لاہور(پاکستان پوائنٹ نیوز04۔اکتوبر۔2018ء) وزیر اعلا پنجاب سردار عثمان بزدار دی صدارت ہیٹھ وزیر اعلا آفس وچ اعلا سطح دا اجلاس منعد ہویا، 3 گھنٹے تک جاری رہن والے اجلاس وچ چالو مالی ورھے دے 8 مہینیاں دے بجٹ تے ترقیاتی پروگرام دے خدو خال دا جائزہ لیا گیا۔ وزیر اعلا نے اجلاس نال خطاب کردیاں ہویاں کہیا کہ وسائل دے اندر رہندیاں ہویاں لوکائی نُوں ریلیف دیواں گے تے تحریک انصاف دی حکومت دے پہلے بجٹ وچ نویں پاکستان دی حقیقی جھلک نظر آوے گی۔

وزیر اعلا نے کہیا کہ لوکائی نُوں سہولتاں فراہم کرن لئی صوبے دے وسائل وچ وادھا ضروری اے کیوں جے وسائل ودھن گے تے لوکائی دے مسئلے گھٹ ہون گے تے سرمایا کاری وچ وادھا ہووے گا۔ اوہناں نے کہیا کہ غیر ضروری اخراجات نُوں گھٹ کرن لئی اقدامات کیتے جان گے جد کہ ترقیاتی پروگرام وچ پسماندا علاقیاں نُوں ترجیح دِتی جاوے گی۔ اوہناں نے کہیا کہ ساڈا پہلا بجٹ حقیقی معنیاں وچ لوکائی دیاں خاہشاں تے امنگاں مطابق ہونا چاہیدا اے۔

ایہو جہے اقدامات تجویز کیتے جان جہناں نال وسائل وچ وادھا ہووے تے عام بندے نُوں ریلیف ملے۔ وزیر اعلا نے کہیا کہ روایتی طریقہ کار چھڈ کے منفرد انداز نال وسائل وچ وادھے لئی کم کیتا جاوے تے ورکرز ویلفیئر بورڈ دے معاملے نُوں چھیتی طے کیتا جاوے تے ایس سلسلے وچ اک ایکٹ دے مسودے دی منظوری دے نال ہور امور وی چھیتی طے کیتے جان۔ وزیر اعلانے ہدایت کیتی کہ اہداف مقرر کر کے اوہناں دے حصو لئی دن رات اِک کیتا جاوے تے وسائل دے وادھے لئی محنت دے نال کم کیتا جاوے۔

سینئر وزیر عبدالعلیم خان نے اجلاس نال خطاب کردیاں ہویاں کہیا کہ معاملات نُوں بہتر انداز نال اگے ودھان لئی آؤٹ آف باکس حل ساہمنے لیاندے جان تے سرمایا کاراں نُوں سہولتاں فراہم کرن لئی جدت دے نال اقدامات چُکے جان۔ عبدالعلیم خان نے کہیا کہ اسیں اخراجات گھٹ کرن دے نیں تے وسائل وچ وادھا کرن اے۔ اوہناں نے کہیا کہ سرمایا کاری دے فروغ لئی جنگی بنیاداں اُتے کم کرنا ہووے گا۔