لاہور(پاکستان پوائنٹ نیوز04۔اکتوبر۔2018ء) جمعیت علماء اسلام (ف) دے سربراہ مولانا فضل الرحمان نے آکھیا اے کہ لُچے لفنگے حکومت کر رہے نیں، میرا ضمیر نہیں مندا کہ حکومت ہے اے، اک مہینے وچ بہت مہنگائی کر دتی گئی اے۔ اوہناں نے اج گل بات کردے ہوئے آکھیا کہ اک مہینے وچ مہنگائی کر دتی گئی اے تے غریب بندہ کیہ کرے۔ اوہناں نے آکھیا کہ میرا ضمیر من ای نہیں رہیا کہ حکومت ہے اے۔
لُچے لفنگے حکومت کر رہے نیں۔ دوجے پاسے پنجاب اسمبلی و چ قائد خزب اختلاف حمزہ شہباز شریف نے آکھیا اے کہ ساڈی حکومت نے طالبان سنے بدنام زمانہ دہشت گرداں خلاف کارروائیاں کیتیاں۔ اوہناں نے اج پنجاب اسمبلی وچ گل بات کردے ہوئے آکھیا کہ ساڈی حکومت نے طالبان سنے ہر قسم دے دہشت گرداں خلاف کارروائیاں کیتیاں۔ساڈی حکومت نے سی ٹی ڈی دا ادارہ بنایا۔
حمزہ شہباز شریف نے آکھیا کہ نویں حکومت نوں موقع دتا تاں جے جمہوریت دی گڈی چلدی رہوے۔ اسد عمر اپنے دعوے پورے کر کے 200ارب ڈالر واپس لے کے آن۔ اوہناں نے آکھیا کہ وزیر خزانہ آکھدے سن کہ (ن) لیگ والے ان ڈائریکٹ ٹیکس لاؤندے نیں۔ اج 70ارب دے ان ڈائریکٹ ٹیکس لا ئے گئے نیں۔ دوجے پاسے سابق سپیکر قومی اسمبلی ایاز صادق نے آکھیا اے کہ شہباز شریف نوں پبلک اکاؤنٹس کمیٹی دا چیئرمین نہ بنایا گیا تے کمیٹیاں مکمل نہیں ہون گیاں۔ رانا مشہود دیاں گلاں توں پارٹی دا کوئی تعلق نہیں۔
