حکومت نے 70ارب دے ان ڈائریکٹ ٹیکس لا دتے

اسد عمر 200ارب ڈالر واپس لیا ن دا دعوا پورا کرن، ساڈی حکومت نے سی ٹی ڈی دا ادارہ بنایا:حمزہ شہباز شریف

حکومت نے 70ارب دے ان ڈائریکٹ ٹیکس لا دتے
اسد عمر 200ارب ڈالر واپس لیا ن دا دعوا پورا کرن، ساڈی حکومت نے سی ٹی ڈی دا ادارہ بنایا:حمزہ شہباز شریف

لاہور(پاکستان پوائنٹ نیوز04۔اکتوبر۔2018ء) پاکستان مسلم لیگ (ن) دے رہنما و پنجاب اسمبلی وچ قائد حزب اختلاف حمزہ شہباز شریف نے آکھیا اے کہ اج 70ارب دے ان ڈائریکٹ ٹیکس لادتے گئے نیں، اسد عمر اپنے دعوے پورے کر کے 200ارب ڈالر واپس لے کے آن۔ اوہناں نے اج پنجاب اسمبلی وچ گل بات کردے ہوئے آکھیا کہ ساڈی حکومت نے طالبان سنے ہر قسم دے دہشت گرداں خلاف کارروائیاں کیتیاں۔

ساڈی حکومت نے سی ٹی ڈی دا ادارہ بنایا۔ حمزہ شہباز شریف نے آکھیا کہ نویں حکومت نوں موقع دتا تاں جے جمہوریت دی گڈی چلدی رہوے۔ اسد عمر اپنے دعوے پورے کر کے 200ارب ڈالر واپس لے کے آن۔ اوہناں نے آکھیا کہ وزیر خزانہ آکھدے سن کہ (ن) لیگ والے ان ڈائریکٹ ٹیکس لاؤندے نیں۔ اج 70ارب دے ان ڈائریکٹ ٹیکس لا ئے گئے نیں۔ دوجے پاسے سابق سپیکر قومی اسمبلی ایاز صادق نے آکھیا اے کہ شہباز شریف نوں پبلک اکاؤنٹس کمیٹی دا چیئرمین نہ بنایا گیا تے کمیٹیاں مکمل نہیں ہون گیاں۔ رانا مشہود دیاں گلاں توں پارٹی دا کوئی تعلق نہیں۔