پاکستان تے سعودی عرب وچکار ارباں دے سمجھوتیاں دی منظوری

سعودی عرب توں وڈی سرمایہ کاری پاکستان آئے گی،وزیر اعظم ہاؤس نوں یونیورسٹی بنان دا چارٹر کابینہ ساہمنے پیش کیتا گیا، مشاہد اللہ خان تے خورشید شاہ نال کوئی ذاتی دشمنی نہیں:فواد چودھری دی میڈیا نال گل بات

پاکستان تے سعودی عرب وچکار ارباں دے سمجھوتیاں دی منظوری
 سعودی عرب توں وڈی سرمایہ کاری پاکستان آئے گی،وزیر اعظم ہاؤس نوں یونیورسٹی بنان دا چارٹر کابینہ ساہمنے پیش کیتا گیا، مشاہد اللہ خان تے خورشید شاہ نال کوئی ذاتی دشمنی نہیں:فواد چودھری دی میڈیا نال گل بات

اسلام آباد(پاکستان پوائنٹ نیوز04۔اکتوبر۔2018ء) وفاقی وزیر اطلاعات و نشریات فواد چودھری نے آکھیا اے کہ پاکستان تے سعودی عرب وچکار ارباں دے سمجھوتیاں دی منظوری دے دتی گئی، سعودی عرب ولوں وڈی سرمایہ کاری پاکستان آئے گی، چین نال ساڈے اہم سٹرٹیجک مفادات نیں۔ اوہناں نے اج وزیر اعظم عمران خان دی صدارت ہیٹھ ہون والے وفاقی کابینہ دے اجلاس مگروں میڈیا نال گل بات کردے ہوئے آکھیا کہ سعودی عرب نال وی ساڈے قریبی تعلقات نیں۔

سعودی عرب توں وڈی سرمایہ کاری پاکستان آئے گی۔ پاکستان تے سعودی عرب وچکار سمجھوتے دی مڈھلی شکل طے کر لی اے۔ فواد چودھری نے آکھیا کہ چین نال ساڈے اہم سٹرٹیجک مفادات نیں۔ فواد چودھری نے آکھیا کہ چیئرمین نیشنل بنک سعید احمد نوں برطرف کر دتا گیا اے۔ زرعی ترقیاتی بنک، ایس ایم ای بنک دے سربراہواں نوں وی ہٹا دتا گیا اے۔اوہناں دا آکھنا سی کہ پچھلی حکومت وچ قواعد خلاف بھرتی بندیاں نوں برطرف کر دتا گیا اے۔

اسیں کسے نوں ملازمت توں نہیں کڈھنا چاہندے۔ وزیر اعظم ہاؤس دے سرپلس ملازماں نوں پورل وچ گھل دتا گیا۔ پچھلی حکومت تے نواز شریف و اسحاق ڈار دی ای سی باقی ساریاں اُتے الزام سی۔ فواد چودھری نے آکھیا کہ مشاہد اللہ خان تے خورشید شاہ نال کوئی ذاتی دُشمنی نہیں۔ پورا پورا خاندان پی آئی اے وچ بھرتی کیتا گیا۔ اوہناں نے آکھیا کہ وزیر اعظم ہاؤس دیاں غیر ضروری گڈیاں ویچ دتیاں نیں۔ وزیر اعظم ہاؤس یونیورسٹی بنان دا چارٹر کابینہ ساہمنے پیش کیتا گیا۔ کمیٹی وچ شفقت محمود، شیریں مزاری، رزاق داؤد تے چیئرمین ایچ ای سی شامل ہون گے۔