کوئٹہ :پی پی دے سابق وزیر کرپشن کیس وچ بری

کوئٹہ(پاکستان پوائنٹ نیوز03۔اکتوبر۔2018ء) پی پی دے سابق وزیر نوں کرپشن کیس وچ بری کر دتا گیا۔ تفصیل مطابق کوئٹہ وچ احتساب عدالت نے پاکستان پیپلز پارٹی دے رہنما و سابق وفاقی وزیر میر باز محمد کھیتران نوں کرپشن کیس وچ بری کر دتا اے۔ میر باز محمد کھیتران اُتے پیپلز ورکس پروگرام دیاں سکیماں وچ مبینہ کرپشن دا الزام سی۔ احتساب عدالت نے مبینہ کرپشن دا الزام ثابت نہ ہون اُتے سابق وفاقی وزیر نوں بری کیتا۔ کیس دی سنوائی احتساب عدالت دے جج پذیر بلوچ نے کیتی۔یاد رہوے کہ میر باز محمد خلاف نیب نے مبینہ کرپشن دا ریفرنس دائر کیتا سی۔ میر باز محمد کھیتران 1993وچ پیپلز پارٹی دے دور وچ وفاقی وزیر رہ چکے نیں۔