اسلام آباد(پاکستان پوائنٹ نیوز03۔اکتوبر۔2018ء) سپریم کورٹ وچ ڈی پی او پاکپتن رضوان گوندل دے تبادلے بارے رپورٹ جمع کروادتی گئی اے۔ رپورٹ وچ دسیا گیا اے کہ اوہناں دا تبادلا اثرو رسوخ دی بنیاد اُتے ای کیتا گیا۔ چیف جسٹس پاکستان جسٹس میاں ثاقب نثار دی سربراہی وچ ڈی پی او پاکپتن آپ نوٹس کیس دی سنوائی ہوئی۔ ایس موقعے تے پنجاب پولیس دے سینئر افسر خائق داد لک نے انکوائری رپورٹ عدالت وچ پیش کیتی۔
رپورٹ وچ دسیا گیا کہ ڈی پی او پاکپتن دا تبادلا اثرو رسوخ دی بنیاد اُتے ای کیتا گیا سی۔ چیف جسٹس نے وزیر اعلا دے قریبی ساتھی احسن جمیل گجر توں پُچھیا کہ کیوں نہ تہاڈے اُتے انسداد دہشت گردی عدالت وچ مقدمہ چلایا جائے۔ چیف جسٹس نے ریمارکس دتے اج احسن اقبال جمیل معافی منگ رہیا اے پہلے اوہدی ٹون ای ہور سی۔ عدالت نے حکم دتا کہ رپورٹ دی کاپی وزیر اعلا پنجاب عثمان بزدار تے سابق آئی جی پنجاب کلیم امام نوں دتی جائے جدکہ عدالت نے وزیر اعلا توں تن دناں وچ معاملے اُتے جواب وی منگ لیا۔
