اسلام آباد(پاکستان پوائنٹ نیوز03۔اکتوبر۔2018ء) وزیر خارجا شاہ محمود قریشی نے امریکی وزیر خارجا مائیک پومپیو نال ملاقات کیتی اے۔ ملاقات وچ دو پاسی تعلقات تے خطے دی صورتحال بارے وچا وٹاندرا کیتا گیا۔ واشنگٹن وچ امریکی محکمہ خارجا دے دفتر وچ ہون والی ملاقات وچ سیکرٹری خارجا تہمینہ جنجوعہ تے سفیر علی جہانگیر صدیقی وی رلتی سن۔ شاہ محمود قریشی دا کہنا سی کہ پاکستان افغانستان وچ سیاسی عمل دی حمایت کردا اے، پاکستان تے امریکا افغانستان سنے خطے وچ امن و استحکام دے خاہشمند نیں۔
وزیر خارجا دا ہور آکھنا سی کہ ڈائیلاگ دوناں ملکاں دے فائدے وچ اے۔ پاک امریکا قریبی تعلقات خطے دے استحکام دا اک عنصر اے۔ پاک امریکا قریبی تعلقات نال دوناں ملکاں نوں ہمیشہ فائدہ ہویا۔ایس توں وکھ ملاقات دوران شاہ محمود قریشی دا آکھنا سی کہ افغانستان دی چالو صورتحال وچ پاکستان اُتے الزام لانا ٹھیک نہیں۔اوہناں دا کہنا سی کہ خطے وچ امن لئی کشمیر دے مسئلے سنے سارے جھیڑیاں دا حل ضروری اے۔
