لاہور(پاکستان پوائنٹ نیوز01۔اکتوبر۔2018ء) کویت دے سبھ توں وڈے اخبار نے پاکستانی بیوروکریٹ دی چوری دی خبر چھاپ دتی،کویت دے سبھ توں وڈے اخبار نے پاکستانی بیوروکریٹ دی چوری دی خبر چھاپ دتی۔تفصیل مطابق پورے پاکستان دا سر اوس ویلے شرم نال جُھک گیا جدوں اک گریڈ 20دے افسر ضرار حیدر نے کویتی وفد دا پرس چوری کر لیا سی۔ چوری دے واقعے مگروں اک ویڈیو وی ساہمنے آگئی سی جیہدے وچ سینئر افسر نوں کویتی وفد دا پرس چوری کردے ہوئے ویکھیا گیا سی۔
کویت دے اک مشہور اخبار نے ایس سینئر افسر دی خبر دے نال نال فوٹو وی چھاپی اے۔ جیہدی وجہ توں پوری قوم دا سر شرم نال جُھک گیا اے۔چیتے رہوے کہ جمعے دی شام اقتصادی امور ڈویژن وچ ہون والے اجلاس وچ رلتی کویتی وفد دے سربراہ نے اجلاس ختم ہون مگروں اپنا پرس چوری ہون دا انکشاف کیتا۔ جیہدے اُتے اجلاس دے رلتی (شرکاء) پریشان ہو گئے تے واقعے دا سخت نوٹس لیند ے ہوئے سیکرٹری اقتصادی امور ڈویژن غضنفر جیلانی نے موقعے اُتے تحقیقات دی ہدایت دتی۔
سی سی ٹی وی فوٹیج راہیں پرس چوری کرن والے ای اے ڈی دے افسر دی نشان کاری کیتی گئی۔ وسیلیاں مطابق پرس چوری کرن والے افسر دی شناخت جوائنٹ سیکرٹری اقتصادی امور ڈویژن ضرار حیدر دے ناں توں ہوئی،جیہدے اُتے سیکرٹری ای اے ڈی غضنفر جیلانی نے سخت ایکشن لیا تے کویتی وفد دے سربراہ دا پرس چوری کرن والے جوائنٹ سیکرٹری خلاف کارروائی کردے ہوئے اوہناں نوں ایف آئی اے دے حوالے کر دتا۔
