شاہ محمود قریشی دا وزیر اعلا پنجاب بنن دا خاب چور کرن والا امیدوار نااہل قرار

شاہ محمود قریشی دا وزیر اعلا پنجاب بنن دا خاب چور کرن والا امیدوار نااہل قرار

ملتان(پاکستان پوائنٹ نیوز01۔اکتوبر۔2018ء) الیکشن کمیشن آف پاکستان نے پی پی 217دا محفوظ فیصلا اج سُنا دتا۔ الیکشن کمیشن نے پی پی 217توں کامیاب امیدوار محمد سلمان نوں نااہل قرار دے دتا۔ الیکشن کمیشن نے پی پی 217توں محمد سلمان دی کامیابی دا نوٹی فکیشن واپس لے لیا۔ میڈیا رپورٹس مطابق الیکشن کمیشن نے پی پی 217دا الیکشن کالعدم قرار دے دتا۔ الیکشن کمیشن نے حلقے وچ دوبارہ چوناں کروان دا حکم دتا۔

یاد رہوے کہ پی پی 217توں آزاد امیدوار محمد سلمان نے شاہ محمود قریشی نوں ہرا یا سی۔ محمد سلمان نوں پی ٹی آئی ولوں ٹکٹ نہ ملیا تے اوہناں شاہ محمود قریشی خلاف آزاد حیثیت وچ الیکشن جِتیا تے پی ٹی آئی وچ رلتی ہو گئے۔جیہدے مگروں شاہ محمود قریشی نے ملتان دی پنجاب اسمبلی دی سیٹ پی پی 217توں آزاد حیثیت وچ کامیاب ہون والے اپنی ای پارٹی دے نوجوان رہنما سلمان نعیم دی نااہلی لئی الیکشن کمیشن وچ درخاست جمع کروائی سی۔

شاہ محمود قریشی ولوں الیکشن کمیشن وچ جمع کروائی گئی درخاست وچ آکھیا گیا سی کہ ایم پی اے دے اک شناختی کارڈ وچ ناں محمد سلمان تے دوجے وچ سلمان نعیم درج اے۔ پی پی 217دے الیکشن وچ دوجے نمبر اُتے رہیا۔ پر غلط بیانی کرن اُتے سلمان نعیم نوں نااہل قرار تے مینوں کامیاب قرار دتا جائے۔