ضمنی الیکشن این اے131:تھاں تھاں لوٹے لٹکا دتے گئے

لاہور(پاکستان پوائنٹ نیوز29۔ستمبر۔2018ء) ضمنی الیکشن دے حلقہ این اے 131وچ تھاں تھاں لوٹے لٹکا دتے گئے ، جیہناں نوں کنٹونمنٹ بورڈ دے اہلکاراں نے لاہ دتا۔ تفصیل مطابق 14اکتوبر نوں ہون والے ضمنی الیکشن وچ مسلم لیگ (ن) ولوں خواجا سعد رفیق امیدوار نیں جدکہ تحریک انصاف دی ٹکٹ اُتے ہمایوں اختر خان میدان وچ نیں جو پہلاں مسلم لیگ (ن) تے مسلم لیگ (ق) وچ وی رہ چکے نیں۔ دسیا گیا اے کہ حلقہ این اے 131دے علاقے والٹن وچ نامعلوم بندیاں ولوں رات دے ویلے کیبل دیاں تاراں تے بجلی دے کھمبیاں نال وکھو وکھ رنگاں دے لوٹے لٹکا دتے گئے جیہناں نوں سویرے کنٹونمنٹ بورڈ دے اہلکاراں نے لاہ دتا۔