جے ہیلمٹ نہیں تے فیر پٹرول وی نہیں

بغیر ہیلمٹ موٹر سائیکل والیاں نوں پٹرول نہ دین دی منگ،پنجاب اسمبلی وچ قرارداد جمع

جے ہیلمٹ نہیں تے فیر پٹرول وی نہیں
بغیر ہیلمٹ موٹر سائیکل والیاں نوں پٹرول نہ دین دی منگ،پنجاب اسمبلی وچ قرارداد جمع

لاہور(پاکستان پوائنٹ نیوز29۔ستمبر۔2018ء) بغیر ہیلمٹ موٹر سائیکل والیاں نوں پٹرول نہ دین دی منگ بارے قرارداد پنجاب اسمبلی وچ جمع کروا دتی گئی۔ تفصیل مطابق پنجاب اسمبلی وچ بغیر ہیلمٹ موٹرسائیکل سواراں نوں پٹرول نہ دین دے مطالبے دی قرارداد پاکستان تحریک انصاف دے پی پی 75توں رکن اسمبلی منیب سلطان چیمہ ولوں جمع کروائی گئی۔ قراردا د دے متن وچ آکھیا گیاکہ حکومتی حکماں مطابق موٹر سائیکل سوار ہیلمٹ پان دے پابند نیں۔

قرارداد وچ منگ کیتی گئی کہ جے کسے موٹر سائیکل والے کول ہیلمٹ نہیں تے اوہنوں کسے پٹرول پمپ توں پٹرول نہ دتا جائے۔ قرار داد وچ ایس حوالے نال باقاعدہ قانون بنانا دی منگ کردے ہوئے آکھیا گیا اے کہ سارے پٹرول پمپاں دے مالکاں نوں ایس گل دا پابند کیتا جائے کہ اوہ بغیر ہیلمٹ جو وی موٹر سائیکل والا آئے اوہنوں پٹرول نہ دین۔ایس حوالے نال قانون بنایا جاے، پر جے ایس کم وچ پٹرول پمپ دا مالک رکاوٹ بندا اے تے اوہنوں وی قانون مطابق سزا دتی جائے۔