اسلام آباد(پاکستان پوائنٹ نیوز29۔ستمبر۔2018ء) وزیر اعظم عمران خان دے قریبی ساتھی زلفی بخاری دی بطور خصوصی معاون تعیناتی خلاف درخاست نوں اعتراض لا کے واپس کر دتا گیا اے۔ تفصیل مطابق سپریم کورٹ دے رجسٹرار آفس داآکھنا اے کہ درخاست گزار نے کسے متعلقہ فورم نال رابطہ نہیں کیتا۔ درخاست گزار نے اپنی درخاست وچ وزیر اعظم عمران خان نوں وی فریق بنایا اے جدکہ آرٹیکل 248دے تحت وزیر اعظم عمران خان نوں درخاست وچ فریق نہیں بنایا جا سکدا۔
رجسٹرار آفس سپریم کورٹ نے درخاست اُتے اعتراض لا کے اوہنوں واپس کر دتا اے۔یاد رہوے کہ 26ستمبر نوں وزیر اعظم عمران خان دے قریبی ساتھی زلفی بخاری دی بطور اُچیچے (خصوصی) معاون تعیناتی نوں سپریم کورٹ وچ چیلنج کیتا گیا سی۔درخاست وچ وزیر اعظم عمران خان تے کابینہ ڈویژن نوں فریق بنایاگیاسی۔ درخاست گزار دا کہنا سی کہ دوہری شہریت رکھن والا بندہ رکن قومی اسمبلی وی نہیں ہو سکدا تے زلفی بخاری نوں وزیر اعظم دا اُچیچا معاون تعینات کر دتا گیا اے۔زلفی بخاری دی تعیناتی غیر قانونی اے۔ درخاست وچ بینتی کیتی گئی سی کہ زلفی بخاری نوں بطور معاون خصوصی کم کرن توں روکیا جائے۔ زلفی بخاری نوں وزارت اوورسیز پاکستان دے منسٹر دا انچارج تعینات کیتا گیا۔
